ਹੁਸ਼ਿਆਰਪੁਰ ‘ਚ ਹਾਈਵੋਲਟੇਜ ਡਰਾਮਾ ਦੇਖਣ ਨੂੰ ਮਿਲਿਆ ਹੈ। ਬਵਾਲ ਦਾ ਕਾਰਨ ਬਣਿਆ SHO ਜਿਸ ਨੇ ਇਲਾਕੇ ‘ਚ ਕਿਰਾਏ ਉਤੇ ਕੋਠੀ ਲਈ ਹੋਈ ਹੈ। SHO ਵੱਲੋਂ ਕੋਠੀ ‘ਚ ਕੁੜੀ ਨੂੰ ਲਿਆਉਣ ‘ਤੇ ਇਲਾਕਾ ਵਾਸੀਆਂ ਅਤੇ ਮਕਾਨ ਮਾਲਕ ਵੱਲੋਂ ਹੰਗਾਮਾ ਕੀਤਾ ਗਿਆ। ਮਾਮਲਾ ਸ਼ਾਮਚੁਰਾਸੀ ਦੇ ਪਿੰਡ ਬੁਲੋਵਾਲ ਦਾ ਦੱਸਿਆ ਜਾ ਰਿਹਾ ਹੈ। ਗਵਾਂਢੀਆਂ ਵੱਲੋਂ ਕੁੜੀ ਲੈ ਜਾਂਦੇ ਵੇਖ ਮਕਾਨ ਮਾਲਕ ਨੂੰ ਸੂਚਿਤ ਕੀਤਾ ਗਿਆ। ਮਕਾਨ ਮਾਲਕ ਨੇ ਜਦੋਂ ਕੋਠੀ ਦਾ ਕੁੰਡਾ ਖੜਕਾਇਆ ਤਾਂ SHO ਵੱਲੋਂ ਗੇਟ ਨਾ ਖੋਲ੍ਹਿਆ ਗਿਆ ਉਸ ‘ਤੇ ਮਕਾਨ ਮਾਲਕ ਨੇ ਪੁਲਿਸ ਬੁਲਾ ਲਈ। ਪੁਲਿਸ ਕੁੜੀ ਅਤੇ SHO ਦੋਵਾਂ ਨੂੰ ਨਾਲ ਲੈ ਗਈ। ਦੱਸਿਆ ਜਾ ਰਿਹਾ ਕਿ ਕਈ ਮਹੀਨਿਆਂ ਤੋਂ SHO ਕੋਲ ਹੀ ਸੀ ਕਿਰਾਏ ‘ਤੇ ਕੋਠੀ। ਕੋਠੀ ਦਾ ਮਾਲਕ ਵੀ ਫੌਜੀ ਦੱਸਿਆ ਜਾ ਰਿਹਾ ਹੈ।

ਸਾਹਮਣੇ ਆਇਆ ਹੈ ਕਿ ਲੋਕਾਂ ਵੱਲੋਂ ਕੁੜੀ ਨਾਲ ਖਿੱਚ-ਧੂਹ ਕੀਤੀ ਗਈ ਹੈ। ਇਲਾਕਾ ਵਾਸੀਆਂ ਨੇ ਪੁਲਿਸ ‘ਤੇ ਵੀ ਕੁੜੀ ਅਤੇ SHO ਨੂੰ ਬਚਾਉਣ ਦੇ ਇਲਜ਼ਾਮ ਲਾਏ ਹਨ।