ਹੰਸ ਰਾਜ ਮਹਿਲਾ ਮਹਾਵਿਦਿਆਲਾ ਦੇ ਐਨ.ਐਸ.ਐਸ. ਯੂਨਿਟ ਵੱਲੋਂ ਸੁਤੰਤਰਤਾ ਦਿਵਸ ਨੂੰ ਸਮਰਪਿਤ ਮੇਰੀ ਮਾਟੀ ਮੇਰਾ ਦੇਸ਼-ਮਾਟੀ ਨੂੰ ਨਮਨ- ਵੀਰਾਂ ਦਾ ਵੰਦਨ ਸਮਾਗਮ ਦਾ ਆਯੋਜਨ ਪਹਿਲ ਐਨਜੀਓ ਦੇ ਸਹਿਯੋਗ ਨਾਲ ਕੀਤਾ ਗਿਆ। ਪਿ੍ਰੰਸੀਪਲ ਪ੍ਰੋ. ਡਾ. (ਸ਼੍ਰੀਮਤੀ) ਅਜੇ ਸਰੀਨ ਨੇ ਮੁੱਖ ਮਹਿਮਾਨ ਕੈਪਟਨ ਗੁਰਮੇਲ ਸਿੰਘ, ਸ਼੍ਰੀ ਅਸ਼ੋਕ ਕੁਮਾਰ, ਤੇਜ ਰਜਿੰਦਰ ਜੀ, ਪਹਿਲ ਐਨਜੀਓ ਤੋਂ ਸ਼੍ਰੀਮਤੀ ਹਰਵਿੰਦਰ ਕੌਰ ਅਤੇ ਸ਼੍ਰੀ ਮੋਹਿਤ ਰੂਬਲ ਦਾ ਕਾਲਜ ਪ੍ਰਾਂਗਣ ਵਿੱਚ ਸਵਾਗਤ ਕੀਤਾ। ਕੈਪਟਨ ਗੁਰਮੇਲ ਸਿੰਘ ਨੇ ਭਾਰਤ ਸਰਕਾਰ ਦੀਆਂ ਯੋਜਨਾਵਾਂ ਬਾਰੇ ਦੱਸਿਆ। ਪਹਿਲ ਐਨਜੀਓ ਤੋਂ ਸ਼੍ਰੀਮਤੀ ਹਰਵਿੰਦਰ ਕੌਰ ਨੇ ਕਿਹਾ ਕਿ ਪਹਿਲ ਸੰਸਥਾ 1996 ਵਿੱਚ ਪ੍ਰੋ. ਲਖਬੀਰ ਸਿੰਘ ਵੱਲੋਂ ਸਥਾਪਿਤ ਕੀਤੀ ਗਈ ਸੀ ਜਿਸ ਦਾ ਉਦੇਸ਼ ਨੌਜਵਾਨਾਂ ਦੇ ਵਿਅਕਤੀਤਵ ਦਾ ਵਿਕਾਸ ਕਰਨਾ ਰਿਹਾ ਹੈ। ਪਹਿਲ ਐਨਜੀਓ ਤੋਂ ਸ਼੍ਰੀ ਮੋਹਿਤ ਨੇ ਵਾਤਾਵਰਣ ਦੀ ਸੁਰੱਖਿਆ ਲਈ ਸੁਝਾਅ ਦਿੱਤੇ। ਇਸ ਮੌਕੇ ਪਹਿਲ ਐਨਜੀਓ ਵੱਲੋਂ ਕਾਲਜ ਪਰਿਸਰ ਵਿੱਚ 75 ਪੌਦੇ ਲਗਾ ਕੇ ਵਾਤਾਵਰਣ ਦੀ ਸੁਰੱਖਿਆ ਦਾ ਸੰਦੇਸ਼ ਦਿੱਤਾ ਗਿਆ। ਪ੍ਰੋਗਰਾਮ ਐਡਵਾਈਜ਼ਰ ਡਾ. ਅੰਜਨਾ ਭਾਟੀਆ ਨੇ ਕਿਹਾ ਕਿ ਐਨਐਸਐਸ ਯੂਨਿਟ ਦਾ ਮੈਂਬਰ ਹੋਣਾ ਆਪਣੇ ਆਪ ਲਈ ਮਾਣ ਦਾ ਵਿਸ਼ਾ ਹੈ। ਪ੍ਰੋਗਰਾਮ ਆਫਿਸਰ ਡਾ. ਵੀਨਾ ਅਰੋੜਾ ਨੇ ਵੀ ਵਲੰਟੀਅਰਾਂ ਨੂੰ ਐਨਐਸਐਸ ਨਾਲ ਜੁੜਨ ਲਈ ਪ੍ਰੇਰਿਤ ਕੀਤਾ। ਮੰਚ ਸੰਚਾਲਨ ਡਾ. ਜੋਤੀ ਗੋਗੀਆ ਨੇ ਕੀਤਾ। ਇਸ ਮੌਕੇ ਸ਼੍ਰੀ ਪਰਮਿੰਦਰ ਸਿੰਘ ਵੀ ਮੌਜੂਦ ਰਹੇ। ਰਾਸ਼ਟਰ ਗਾਨ ਨਾਲ ਪ੍ਰੋਗਰਾਮ ਦਾ ਸਮਾਪਨ ਹੋਇਆ।