ਭਾਰਤ ਵਿਚ ਸੜਕ ਅਤੇ ਆਵਾਜਾਈ ਨਾਲ ਸਬੰਧਤ ਨਿਯਮਾਂ ਦੀ ਉਲੰਘਣਾ ਦੇ ਮਾਮਲੇ ਅਕਸਰ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਇਨ੍ਹਾਂ ਨਿਯਮਾਂ ਵਿੱਚੋਂ ਇੱਕ ਜਿਸ ਦੀ ਸਭ ਤੋਂ ਵੱਧ ਉਲੰਘਣਾ ਕੀਤੀ ਜਾਂਦੀ ਹੈ, ਉਹ ਹੈ ਤੇਜ਼ ਰਫਤਾਰ।ਮਤਲਬ, ਤੈਅ ਸੀਮਾ ਤੋਂ ਵੱਧ ਰਫਤਾਰ ਉਤੇ ਗੱਡੀ ਚਲਾਉਣਾ। ਅਜਿਹੇ ਮਾਮਲਿਆਂ ਨਾਲ ਨਜਿੱਠਣਾ ਵੀ ਪੁਲਿਸ ਲਈ ਵੱਡੀ ਚੁਣੌਤੀ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਇਹ ਕੇਸ ਵੱਡੀ ਗਿਣਤੀ ਵਿੱਚ ਆਉਂਦੇ ਹਨ। ਹੁਣ ਪੁਲਿਸ ਨੇ ਇਸ ਨਾਲ ਨਜਿੱਠਣ ਲਈ ਨਵਾਂ ਤਰੀਕਾ ਕੱਢਿਆ ਹੈ।

ਬੈਂਗਲੁਰੂ ਅਤੇ ਮੈਸੂਰ ਐਕਸਪ੍ਰੈਸਵੇਅ ਉਤੇ ਰਫਤਾਰ ਨਾਲ ਜੁੜੇ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਦਾ ਚਲਾਨ ਹੁਣ ਸਿੱਧੇ ਉਨ੍ਹਾਂ ਦੇ ਫਾਸਟੈਗ ਖਾਤੇ ਤੋਂ ਕੱਟਿਆ ਜਾਵੇਗਾ। ਇਸ 6 ਲੇਨ ਵਾਲੇ ਐਕਸਪ੍ਰੈਸਵੇਅ ‘ਤੇ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਸਪੀਡ ਵੈਧ ਹੈ। ਹੁਣ ਇਸ ਤੋਂ ਵੱਧ ਸਪੀਡ ‘ਤੇ ਗੱਡੀ ਚਲਾਉਣ ਵਾਲਿਆਂ ਦਾ ਚਲਾਨ ਸਿੱਧਾ ਉਨ੍ਹਾਂ ਦੇ ਫਾਸਟੈਗ ਖਾਤੇ ਤੋਂ ਕੱਟਿਆ ਜਾਵੇਗਾ। ਇਹ ਨਿਯਮ ਹੋਰ ਸੂਬਿਆਂ ਵਿਚ ਵੀ ਲਾਗੂ ਕਰਨ ਦੀ ਤਿਆਰੀ ਹੈ।ਪੁਲਿਸ ਦੀ ਇਸ ਪਹਿਲਕਦਮੀ ਦਾ ਮਕਸਦ ਜ਼ਿੰਮੇਵਾਰ ਡਰਾਈਵਿੰਗ ਨੂੰ ਉਤਸ਼ਾਹਿਤ ਕਰਨਾ ਹੈ। ਪਿਛਲੇ ਕੁਝ ਸਮੇਂ ਤੋਂ ਇਸ ਐਕਸਪ੍ਰੈਸ ਵੇਅ ‘ਤੇ ਹਾਦਸਿਆਂ ਦੇ ਮਾਮਲੇ ਤੇਜ਼ੀ ਨਾਲ ਵਧੇ ਹਨ। ਵਰਤਮਾਨ ਵਿੱਚ FASTag ਦੁਆਰਾ ਅਦਾ ਕੀਤੇ ਗਏ ਜੁਰਮਾਨੇ NHAI ਨੂੰ ਭੇਜੇ ਜਾਂਦੇ ਹਨ। ਹੁਣ ਬੈਂਗਲੁਰੂ ਪੁਲਿਸ ਇਨ੍ਹਾਂ ਫੰਡਾਂ ਨੂੰ ਸਿੱਧੇ ਸਰਕਾਰੀ ਖ਼ਜ਼ਾਨੇ ਵਿੱਚ ਟਰਾਂਸਫਰ ਕਰੇਗੀ